რა ხდება ზემო ნიქოზში? MEURNEOBA.GE

მეურნეობა - Meurneoba.com (meurneoba.ge)

ინოვაციური პროექტი ქართულ სასკოლო განათლების სისტემაში

  • შესავალი
  • მედია ჩვენ შესახებ
  • პროექტის აღწერა
  • მეურნეობა - პირველი პროექტი
  • მეურნეობა - მოდელი
  • პროექტის განვითარება
  • პროექტის გუნდი
  • პროექტის რეკომენდატორები
  • მუდმივი კამპანიები და პროექტები
  • მეურნეობა სოციალურ ქსელებში
  • ნიქოზის ტერიტორიის განვითარების რუკა
  • პროექტის მნიშვნელობა და მუდმივობა
  • ბრენდი ‘მეურნეობა’
  • პარტნიორები და მხარდამჭერი მედიები
  • პროექტის ამჟამინდელი სტატუსი და საკონტაქტო ინფორმაცია
  • სასპონსორო პაკეტი

 

Facebook: @Meurneoba 

 

Instragram: @Meurneoba_education

 

TikTok: Thankyou.ge 

 

რა გვინდა?

ის რაც ჩვენ გვინდა, ყველას უნდა:

 

‘’განათლება ვაქციოთ მთავარ იდეად და შევქმნათ ქართული განათლების სისტემის განვითარების, გარანტირებული და მუდმივი მექანიზმი, უამრავი დადებითი კამპანიებითა და პროექტებით, რომელიც ყველას ეყვარება.''

 

‘‘ჩვენ გვინდა საქართველოს განათლების სისტემა ახლოს იყოს თანამედროვე ტექნოლოგიურ სამყაროსთან.’’

‘‘ქართულ სკოლებს ჰქონდეთ დამოუკიდებლად განვითარების გარანტია.’’

‘‘ქართულ სკოლებს ინდივიდუალურად ჰქონდეთ მუდმივი და დამოუკიდებელი შემოსავალი.’’

‘‘მოსწავლეებმა პრაქტიკაში მიიღონ ის აუცილებელი გამოცდილება და ცოდნა/უნარჩვევები, რაც დღევანდელ ტექნოლოგიურ სამყაროში სასიცოხლოდ მნიშვნელოვანია.’’

‘‘მოსწავლეებმა აირჩიონ მომავალი პროფესიები გააზრებულად და პირველივე კურსიდან შეძლონ სპეციალობებით  დასაქმება.’’

‘‘საზოგადოება გავაერთიანოთ მთავარი იდეის - განათლების გარშემო’’

‘‘სკოლის მოსწავლეებთან ერთად ვაკეთოთ კარგი კამპანიები, რომელსაც ყველა შეიყვარებს.’’

 

‘’დავიწყოთ ის რაც მუდმივად გაგრძელდება''

 

ჩვენი დამფუძნებელი ზუკა მახარაშვილი გახდა ფერმერთა ასოციაციისა და სოფლის მეურნეობის სამინისტროს ყოველწლიური დაჯილდოვების გამარჯვებული ნომინაციაში ''2023 წლის ფერმერი საოკუპაციო ხაზთან''

 

მედია ჩვენ შესახებ:

 

 

 

 

 

 

 

 

 

მეურნეობა - პროექტის აღწერა

 

პროექტი მეურნეობა გულისხმობს ქართული სკოლებისთვის მცირე და საშუალო საწარმოების შექმნასა და Enterprise to School სწავლების მეთოდის დანერგვას ქართულ სასკოლო განათლების სისტემაში, რაც თავის მხრივ, საქართველოს საჯარო სკოლების ტერიტორიაზე სხვადასხვა საწარმოების მოწყობასა და ახალი ბრენდის - მეურნეობა შექმნას ითვალისწინებს. 

პროექტის შედეგად, მოსწავლეები პრაქტიკაში შეძლებენ ისწავლონ  საწარმო და აგრო ტექნოლოგიები, მარკეტინგი, გაყიდვები, ბრენდინგი, მართვა და ლოჯისტიკა მეწარმეობა და ყველა იმ საჭირო რგოლის უნარ-ჩვევები, რაც საჭიროა საწარმოს მართვისა თუ ახალი ბრენდის შექმნისა და განვითარებისთვის.

 

მეურნეობა - პირველი პროექტი:

 

მარწყვის 500 კვ.მ. სათბური სოფელ ზემო ნიქოზის საჯარო სკოლაში.

ლოკაცია: შიდა ქართლის რეგიონი, გორის მუნიციპალიტეტი, ქ. ცხინვალის მოსაზღვრე სოფელი ზემო ნიქოზი.

პროექტის ფარგლებში, პირველ საპილოტე ლოკაციად შეირჩა სოფელ ზემო ნიქოზის საჯარო სკოლა. ზემო ნიქოზი წარმოადგენს საოკუპაციო გამყოფი ზოლის სოფელს, ქალაქ ცხინვალის მოსაზღვრე სოფელს, რომელიც ცხინვალისგან სულ რამდენიმე მეტრშია. ნიქოზიდან კარგად ჩანს ცხინვალის ქუჩებიც. 

ნიქოზის სკოლაში სწავლობს 161 მოსწავლე.

ვინაიდან სოფელი ზემო ნიქოზი არის ჩვენი პროექტის პირველი პროექტი, მოხდება მიმდებარე ტერიტორიის განვითარება და პროექტის საბაზისო ადგილად იქცევა, სადაც გაიმართება სხვადასხვა მუდმივი კამპანიები პროექტები და ღონისძიებები.

 

მეურნეობა - მოდელი

მუდმივი და მდგრადი განვითარება

 

მეურნეობა ათწლეულებზე გათვლილი პროექტია.

კომერციული პროექტი სრულად სოციალური მიზნებისთვის.

მუდმივი ზრდითა და განვითარებით.

ერთი მეურნეობიდან მიღებული მოგების 50% მუდმივად დარჩება სკოლას და მოხმარდება მხოლოდ სკოლის ან ბავშვების განვითარებისთვის საჭირო გადამზადების კურსებსა და პროექტებს.

მეორე 50% კი მუდმივად გადაირიცხება სხვა სკოლაში ახალი მეურნეობისთვის, შემდეგ 2 სკოლის 50% მესამე სკოლისთვის, სამის 50% მეოთხესთვის და ა.შ. იქამდე სანამ საქართველო 2208 სკოლა არ გახდება პროექტის ბენეფიციარი.

 

პროექტი ინოვაციურია საქართველოსთვის და პირველად ვნერგავთ განათლების სისტემაში Enterprise to school სწავლების მეთოდს, რომელიც დიდ ცვლილებებს გამოიწვევს ქვეყნის სასკოლო განათლებისა და წარმოების სფეროში.

პროექტი ხორციელდება ქართული crowdfunding პლატფორმის fundraiser -ის მიერ, სახელით მეურნეობა - შემდგომში ვებსაიტებზე Meurneoba.com, Meurneoba.ge 

 

პროექტის განვითარება

 

მოგების განაწილების ეს პრინციპი, სახელმწიფოსთან გრძელვადიანი ურთიერთობა, მუდმივი კამპამნიები, მუდმივი პროექტები, ადგილობრივ და საერთაშორისო ორგანიზაციებთან თანამშრომლობა, ბიზნესთან თანამშრომლობა და მუდმივი ფანდრაიზინგი საშუალებას მოგვცემს, პროექტი 2 წელში გახდეს მასშტაბური და მოიცვას 10-ზე მეტი სკოლა, ხოლო 10 და მეტი მეურნეობის მოგების 50-50% საშუალებას გვაძლევს, ყოველ მომდევნო წელს დამოუკიდებლად  დავიმატოთ საშუალოდ 2-3 ახალი სკოლა.

სასურველი შედეგი: 5 წელში 20+ სკოლა

 

20 მეურნეობის შემთხვევაში ყოველ მომდევნო წელს, ჩვენ შევძლებთ პროექტს დაემატოს 5-10 და უფრო და უფრო  მეტი სკოლა.

 

სხვადასხვა სკოლებში შესვლასთან ერთად მეურნეობა მუდმივად იქნება ყველასთვის საყვარელი და საჭირო პროექტებისა და კამპანიების ინიციატორი, რომელსაც სკოლის მოსწავლეებთან ერთად გავაკეთებთ.

 

მეურნეობის პროდუქცია გაიყიდება ბრენდის ‘‘მეურნეობა‘’ სახელით, ქსელურ მაღაზიებსა და ონლაინ მაღაზიებში. 

ასევე ვებ საიტზე Meurneoba.ge/Shop, ვოლტსა და გლოვოზე და სხვადასხვა მარკეტინგული აქტივობებით.

 

პროექტის გუნდი:

 

პროექტი ხორციელდება ქართული ქრაუდფანდინგ პლატფორმის Fundraiser -ისა და Thankyou.ge -ს გუნდის მიერ. 

  1. ზურაბ მახარაშვილი - პროექტის ხელმძღვანელი - Fundraiser -ის თანადამფუძნებელი და აღმასრულებელი დირექტორი;
  2. ივანე ლოლაშვილი - პროექტის საგანმანათლებლო მიმართულების მენეჯერი - Fundraiser-ის პროექტების მენეჯერი; უფროსი ასოცირებული მასწავლებელი.
  3. გიორგი შარვაშიძე - პროექტის ოპერაციული ხელმძღვანელი - საქართველოს ყოფილი სრულუფლებიანი ელჩი ნიდერლანდების სამეფოში.

 

საკონტრაქტო (Outsource) სამუშაოები:

 

პროექტის ფარგლებში საკონტრაქტო სამუშაოებისთვის შერჩეულია წამყვანი აგრო კომპანიები, რომელთა გამოცდილება და რეპუტაცია პროექტის წარმატებით განხორციელებისთვის მნიშვნელოვანი გარანტორია. 

სათბურის მშენებლობა, კონსტრუქციის შესყიდვა, ტრანსპორტირება, მონტაჟი,  ლექტორები, მომვლელი, დარაჯი,  სამარწყვე მეურნეობის დაგეგმვა; აგრონომი.

 

პროექტის რეკომენდატორები

 

  1. საქართველოს განათლებისა და მეცნიერების სამინისტრო: სპეციალურ წერილში,მოუწოდებს დონორ ორგანიზაციებს პროექტის მხარდაჭერისკენ და პროექტს უწევს რეკომენდაციას.
  2. საქართველოს სოფლის მეურნეობისა და გარემოს დაცვის სამინისტრო,  სპეციალურ წერილში მოუწოდებს დონორ ორგანიზაციებს პროექტის მხარდაჭერისკენ და პროექტს უწევს რეკომენდაციას.
  3. შიდა ქართლის რწმუნებულის ადმინისტრაცია.
  4. საქართველოს პარლამენტის სპორტისა და ახალგაზრდობის კომიტეტი.
  5. საქართველოს პარლამენტის განათლების კომიტეტი.
  6. საქართველოს პარლამენტის სოფლის მეურნეობისა და გარემოს დაცვის კომიტეტი.
  7. საქართველოს ფერმერთა ასოციაცია.
  8. საქართველოს ბიზნეს ასოციაცია.
  9. პროფესიული უნარების განვითარების სააგენტო.

 

კამპანიები პროექტები და აქტივობები

 

პროექტის ფარგლებში დაგეგმილია სხვადასხვა სახის აქტივობები, რომლებიც გახდება ყველასთვის საყვარელი და განხორციელდება სკოლის მოსწავლეებთან ერთად. 

გამოიწვევს მედიისა და საზოგადოების მუდმივ და დადებით ყურადღების ცენტრში ყოფნას.

პროექტი გახდება ერთგვარი გამაერთიანებელი, რომელიც იქნება გარანტი საქართველოს განათლების სისტემის მუდმივი განვითარების, რაშიც უამრავი ორგანიზაცია თუ ადამიანი მიიღებს მონაწილეობას.

სოციალურ არხებში გამომწერების მუდმივი ზრდა: პროექტის სენსიტიურობისა და დაგეგმილი აქტივობების გამო, ჩვენ მუდმივად გვეყოლება განსაკუთრებული გულშემატკივრები და მათი რიცხვი მუდმივად გაიზრდება, ასევე გაიზრდება მათი ინტერქაცია.

მოხდება ზემო ნიქოზის სკოლის მიმდებარე ტერიტორიის განვითარება, დაფუძნდება ფესტივალი, დაანონსდება მუდმივი პროექტები და კამპანიები:

 

1.    ვიდეო გაკვეთილების სერიები - ჩვენ ვიღებთ სილაბუსის მიხედვით ჩატარებულ ყველა გაკვეთილს, ვამონტაჟებთ და ვუშვებთ ვიდეო სერიებად. 

სულ 30 სერია და 16 საგანი, რომელიც მოიცავს თეორიულ და პრაქტიკულ გაკვეთილებს.

ვიდეო გაკვეთილები, საგანამანათლებლო კონტენტს წარმოადგენს და მუდმივად მზარდი, დიდი აუდიტორია ეყოლება. 

წარმოების კონსტრუქციის აგება, მიწის მომზადება, კონსტრუქციის ნაწილები, სათბურის სისტემები, ტექნოლოგიები, აგრონომიულ სამუშაოები, გაყიდვები ბრენდინგი და ა.შ. ყველა ამ თემას დაეთმობა ცალკეული სერია. ეს იქნება ერთგვარი ცოცხალი ბიზნეს გეგმა და ენციკლოპედია.

მსგავსი ტიპის საგანმანათლებლო კონტენტი რომელიც გასწავლის შექმნა და მართო საწარმო არც საქართველოში იქმნება და არც მსოფლიოში. 

კურსის სახელმწიფო აკრედიტაციის პროცესი დაწყებულია პროფესიული უნარების განვითარების სააგენტოში და დასრულდება აგვისტოში, რაც დაგვეხმარება კურსების პოპულარიზაციაში.

 

2.    ოლიმპიადები ყველა სემესტრში- გულისხმობს ოლიმპიადის გამოცხადებას, სადაც განათლების სამინისტროს მხარდაჭერით ჩაერთვება საქართველოს თითოეული სკოლა.  მოსწავლეებს ექნებათ დავალება გადაწყვიტონ ესა თუ ის პრობლემა ყველაზე მარტივად, 

მაგალითად: როგორ შევფუთოთ პროდუქტი პლასტიკის გარეშე, როგორ ვმართოთ ნარჩენები, როგორ და რაში გამოვიყენოთ მზის ენერგია და ა.შ. 

ოლიმპიადაში გამარჯვებულებს გადაეცემათ სხვადასხვა მნიშვნელოვანი პრიზები.

 

3.  აგრო ტურები & Nikozi x Talks - 2 დღიანი აგრო ტურები - სადაც სტუმრებს შევთავაზებთ დღის განმავლობაში ლექციებსა და პრაკტიკულ აგრო სამუშაოებს. საღამოს TALKS და ლაივ არტ ღონისძიებებს. სტუმრები დარჩებიან ადგილობრივ მოსახლეობის სახლებში, რომელთანაც უკვე მიღწეულია შეთანხმებას. 

ეს იქნება განსხვავებული გამოცდილება სტუმრებისთვის, რომლებსაც ცოდნასთან ერთად ვთავაზობთ ცხინვალის მოსაზღვრე სოფელში ღამის გათენებას, საინტერესო გამომსვლელების მოსმენასა და თანამედროვე ქართული ხელოვნების ღონისძიებებს.

 

4.     მედია - პროექტის სენსიტიურობიდან გამომდინარე, დაგეგმილია ბიზნესს და დღის გადაცემებში სიუჟეტების მომზადება, დაგეგმილი მარკეტინგული აქტივობებიდან გამომდინარე, მუდამ იქნება ინტერესი მედიის მხრიდან. 

 

5. Community-ის შექმნა - გულისხმობს პროექტის გულშემატკივრებისა და მხარდაჭერების ჯგუფის შექმნას, ვისაც რაიმე წვლილი აქვს შეტანილი პროექტის შექმნასა და განვითარებაში. პროექტის განმავლობაში, მუდამ და ყველა ღონისძიებაზე გამოცხადდება სპეციალური ALL TIME LIST-ი. ქომუნითის წევრებს ექნებათ სპეციალური ფასდაკლებები როგორც კორპორაციულ, ისე ინდივიდუალურ შესყიდვებზე. ვებ საიტზე, ქომუნითის სპეციალურ გვერდზე, განთავსდება ყველა ორგანიზაცია, რომელიც იქნება მეურნეობა ქომუნითის წევრი.

 

6. დელეგაციების ვიზიტები და მედია გაშუქებები - სოფელ ნიქოზში მუდმივად იმართება სხვადასხვა წარმომადგენლობებისა და უცხოელი სტუმრების ვიზიტები. ადგილობრივი და ცენტრალური სახელისუფლებო უწყებების დახმარებით, ყველა ვიზიტის ერთ-ერთი მთავარი ლოკაცია იქნება პროექტი ‘‘მეურნეობა’’, განათლების, სოფლის მეურნეობისა და საგარეო საქმეთა სამინისტროს სტუმრები მოინახულებენ და პირადად გაეცნობიან პროექტის მიმდინარეობას.

 

7.   სპეციალური აქციები - ვოლტსა და გლოვოზე სხვადასხვა რესტორნებს დაემატებათ მარწყვის დესერტები, რომელსაც სპეციალური აქციის ფარგლებში შეიძენს მომხმარებელი.

 

8. მშვიდობის ფესტივალი - დაფუძნდება ყოველწლიური მშვიდობის ფესტივალი, რომელიც იქნება აუდიო და ვიუზალური თანამედროვე ხელოვნების ფესტივალი, გადაიქცევა ტრადიციად და სამუდამოდ წლების განმავლობაში გაგრძელდება. 

 

9.  მშვიდობის ბაღი -400 კვ.მ ტერიტორიაზე მოეწყობა მშვიდობის ბაღი, ულამაზესი ლანდშაფტის დიზაინითa და განათებებით, სადაც სხვა ხეებთან ერთად, მოხდება მთავარი მშვიდობის ხის დარგვა, რომელიც იქნება ყველასგან გამორჩეულ ადგილზე, სპეციალური განათებით შემოღობვითა და დამოუკიდებელი მარკეტინგული აქტივობებით. 

 

10.  Meurneoba Café - სათბურის გვერდით, ჩვენ ვიქირავეთ მეორე ნაკვეთი სახლით, სადაც მოეწყობა მეურნეობა კაფე, მოხდება სტუმრების მიღება და გამასპინძლება ადგილობრივი პრდოქუციისგან შემდგარი კერძებით. ამავე სივრცეში ჩატარდება პატარა და მისაღები ღონისძიებებიც. 

მოხდება სახლის მოწყობა და გარემონტება ჩვენი დიზაინით.

 

11.  მშვიდობის კამპანიები და აქტივობები - John Lennon Peace Wall & Strawberry Fields Forever!

მოხდება 30 მეტრის სიგრძისა და 3 მეტრი სიმაღლის კედლის აშენება, რომელსაც ექნება განსაკუთრებული დატვირთვა, კედელზე ამოიტვირფება ყველა იმ ადამიანისა და ორგანიზაციების სახელები და დარჩება სამუდამოდ, ასევე მოხდება კედლის სხვადასხვანაირი მოხატვა, განათება და ა.შ. 

300 კვ.მ ტერიტორიაზე მოხდება ტყის მარწყვის გაშენება Strawberry Fields Forever!

 

12. ციცინათელების გადარჩენის კამპანია with Fireflies.org - ციცინათელები გადაშენების პირას მყოფი სახეობებია, უცხოურ საერთაშორისო ორგანიზაციებთან ერთად მოხდება ციცინათელების მოშენება, რომლებიც იფრენენ ნიქოზის მშვიდობის ბაღში და იქნება ძალიან ლამაზი.

 

13.  მადლიერების დღე - ჩვენს მიერ უკვე შეიქმნა კამპანია https://thankyou.ge/ ‘მადლობა იმისთვის, რასაც აკეთებ’- რომელიც ძალიან ბევრმა ადამიანმა შეიყვარა, კამპანიიდან შემოსული თანხით ჩვენ ვიქირავეთ მიწის ნაკვეთი, გავწმინდეთ ტერიტორია, შევიმუშავეთ 125 გაკვეთილიანი სილაბუსი, გავაფორმეთ კონტრაქტები, შევათანხმეთ პროფ. უნარების განვითარების სააგენტოსთან და ყველა საჭირო უწყებასთან.  ( დანარჩენი იხ. Current Status Update)

შემდეგი ეტაპი Thankyou.ge კამპანიის, იქნება მადლიერების დღის დაწესება, რომელსაც ყოველწლიურად უფრო და უფრო მეტი ადამიანი შემოუერთდება და ძალიან ბევრი ადამიანისთვის გახდება მნიშვნელოვანი რადგან ამ ქვეყანაში ბევრ ადამიანს ჭირდება გულწრფელი მადლობა, იმისთვის რასაც აკეთებს. 

 

14. 2 მიუსაფარი ძაღლის შეფარება და პროექტთთან ერთად გაზრდა, რომელთაც ყველა გაიცნობს დამოუკიდებელი მარკეტინგული აქტივობებით, ასევე თავის წვლილს შეიტანენ სხვა მიუსაფარი ცხოველების გადასარჩენად.

 

მეურნეობა - სოციალურ ქსელებში:

 

ჩვენ შევძლებთ და გვეყოლება ასიათასობით მოსწავლე ჩვენ სოციალურ ქსელებში, რომელთა რიცხვი წლების განმავლობაში გაიზრდება. ჩვენ გვეყოლება მათი მშობლები და უამრავი სხვა ადამიანი, რომელიც ჩაერთვება ჩვენ კამპანიებში.

პროექტის ფარგლებში დაგეგმილია სხვადასხვა სახის აქტივობები და გამომწერების მუდმივი ზრდა: Facebook, Instagram, Youtube, Tiktok, Twitter, Telegramარხების შექმნა რომელსაც ექნება კომუნიკაციის სხვადასხვა მიმართულებები.

პროექტის ლოკაციის აღწერა

ტერიტორიის განვითარების

 რუკა:

 

 

პროექტის მნიშვნელობა და შედეგები

 

Enterprise to school სწავლების მეთოდის სისტემური დანერგვა, მნიშვნელოვან როლს ითამაშებს ბავშვების განვითარებაში და განათლების ხარისხის ამაღლებაშიც.

მაგალითად: წარმოიდგინეთ ნიქოზის პროექტის მხოლოდ პირველი წლის შედეგები:

სათბურის მოგებიდან მიღებული თანხით, ერთ-ერთი ვარიანტის მიხედვით: მოლაპარაკება მიმდინარეობს IT Step აკადემიასთან,  სკოლა შეიძენს აკადემიის 1 წლიან პროგრამირების სრულ კურსს. ნიქოზის 161 მოსწავლიდან ჩვენი გამოკითხვებით 30- 40 მოსწავლე დამატებით Enterprise to School კურსისა და მასში მიღებული გამოცდილებისა, IT Step აკადემიის სერტიფიცირებული პროგრამისტი იქნება. ისინი პირველივე კურსზე შეძლებენ მაღალშემოსავლიანი სამსახურში დასაქმებას. 

წარმოიდგინეთ ეს ყველა სკოლაზე და ათასობით ქართველი მოსწავლე ამ ცოდნითა და გამოცდილებით.

 

ბრენდი მეურნეობა

 

ბრენდი ‘მეურნეობა’, საწყის ეტაპზე meurneoba.com, meurneoba.ge საბოლოოდ კი Meurneoba.edu რომელიც  მხოლოდ განათლების სისტემის გაუმჯობესებაზე იქნება ორიენტირებული. ის იქნება ყველასთვის საყვარელი ბრენდი, რომელსაც უამრავი გულშემატკივარი და მომხმარებელი ეყოლება. 

დაგეგმილი მარკეტინგული აქტივობები და  განვითარების სტრატეგია კი დაგვეხმარება მეურნეობა მუდამ იყოს აქტუალური როგორც ადამიანების პირდაპირი ჩართულობით ჩვენ კამპანიებში, ისე სხვადასხვა ღონისძიებებითა და მედია გაშუქებით, 

მეურნეობა გააერთიანებს უამრავ ადამიანსა თუ ორგანიზაციას, ყველაზე ძვირფასი მიზნებისკენ სწრაფვაში.

მეურნეობა გახდება ყველასთვის საყვარელი ბრენდი, რომელიც ყველას მისცემს შესაძლებლობას შემოგვიერთდნენ და ჩაერთონ უმნიშვნელოვანესს საქმეში.

 

ოფიციალური მედია პარტნიორები:

 

პირველი არხი, აჭარა ტვ და რადიო, Marketer.ge, On.ge, At.ge, Publika.ge BM.ge და სხვა. 

ყოველდღიურ რეჟიმში მიმდინარეობს მოლაპარაკებები და გვემატება დამატებით ახალი მედია სააგენტოები პარტნიორებად, რომლებიც მუდამ გააშუქებენ პროექტის შესახებ აქტივობებს.

 

Current Status Update:

 

გვიხარია, რომ მეორე ეტაპიც წარმატებით დავხურეთ, მზად ვართ მესამე ეტაპისთვის.

  1. ვაწარმოეთ წარმატებული fundraising კამპანია: ‘‘მადლობა იმისთვის, რასაც აკეთებ’’ https://thankyou.ge/, რის შემდეგადაც, ჩვენ 5 წლით შემდგომი გაგრძელების შეთანხმებით, ვიქირავეთ 5000 კვ.მ ტერიტორია სოფელ ზემო ნიქოზის საჯარო სკოლის უკან. 
  2. მივაღწიეთ მედია პარტნიორობის შესახებ შეთანხმებებს წამყვან ტვ და მედია პლატფორმებთან. 
  3. ვთანამშრომლობთ წამყვან აგროკომპანიებთან საქართველოში, ვინც საკუთარ პასუხისმგებლობაში იღებენ აგრონომიულ და სათბურის ტექნიკურ საკითხებს.
  4. მივაღწიეთ შეთანხმებები თანამშრომლობაზე განათლების სამინისტროსთან და სხვა ყველა საჭირო სახელმწიფო უწყებასთან: (შიდა ქართლის ადმინისტრაცია, გორის მერია, განათლების სამინისტრო, სოფლის მეურნეობის სამინისტრო, პარლამენტის განათლების კომიტეტი, პარლამენტის სპორტისა და ახალგაზრდობის კომიტეტი, პარლამენტის სოფლის მეურნეობის კომიტეტი’)
  5. პროექტი შეთანხმებულია სკოლის ადმინისტრაციასთან და სკოლასთან გავაფორმეთ 3 წლიანი ხელშეკრულება.
  6. შევქმენით 5 წლიანი მარკეტინგული აქტივობები.
  7. შევქმენით განვითარების 10 წლიანი გეგმა.
  8. შევქმენით კურსის სილაბუსი, რომელიც 69 სალექციო და 57 პრაქტიკულ გაკვეთილს გულისხმობს. 
  9. მივაღწიეთ შეთანხმებებს ლექტორებთან, რომლებიც სილაბუსით გაწერილი გაკვეთილების მიხედვით, ჩაატარებენ ლექციების მოსწავლეებისთვის. 
  10. პროფესიული უნარების განვითარების სააგენტოსთან დაწყებულია კურსის სახელმწიფო აკრედიტაციის პროცესი. 
  11. ვთანამშრომლობთ ქართულ სტარტაპებთან  მათი პროდუქციისა თუ ტექნოლოგიების დანერგვით, რითაც ქართული სტარტაპებს გავაცნობთ საზოგადოებას.
  12. ვიქირავეთ მეორე ნაკვეთი, სახლთან ერთად, სადაც მოეწყობა მეურნეობა კაფე და მისაღები სივრცე სხვადასხვა ღონისძიებებისთვის.
  13. ავაშენეთ და გავმართეთ მარწყვის 500 კვ.მ სათბური
  14. მივიღეთ პროფესიული მომზადების პროგრამის ოფიციალური აკრედიტაცია
  15. უკვე გავიჩინეთ უამრავი გულშემატკივარი და მხარდამჭერი. - შემოგვიერთდით.

 

 

Attached Files: 

 

  1. Agro Solutions AS Group – Partnership Letter
  2. Ministry of Education and Science of Georgia – Recommendation Letter
  3. Ministry of Agriculture of Georgia – Recommendation Letter
  4. Local Government City Hall of Gori – Recommendation Letter
  5. Georgian Business Association – Recommendation Letter
  6. Georgian Farmers Association – Recommendation Letter
  7. Public Broadcaster – Media Partnership Letter
  8. Adjara Tv and Radio – Media Partnership Letter
  9. At.ge – Media Partnership Letter
  10. On.ge – Media Partnership Letter
  11. Course Syllabus

 

Contact info: 

 

Zurab Makharashvili – CEO at Meurneoba Education 

Makharashvili.zurab@college.gov.ge

+995577332252

 

Facebook: @Meurneoba 

 

Instragram: @Meurneoba_education

 

TikTok: Thankyou.ge